Die Here vervang Menslike leierskap Ds Gustav Opperman Grendelpreek

Wat die leierskap vir die Afrikaners betref: Daar is toe nie ‘n Delarey wat die Boere kon lei nie! Dan is dit geen wonder dat so baie mense – so baie seuns en dogters die land verlaat nie. Dan is dit asof hierdie kontinent sy naam gestand doen, die naam wat van vanaf die vroegste tye daaraan gegee is:
Donker Afrika! Afrika sonder lig. Sonder leiding. Leierloos. Woordverkondiging uit Jes 3 & 9, ds Gustav Opperman, GK Matlabas.

As daar nou één kenmerk is van die omstandighede waarin ons leef,
dan is dit leierloosheid.
Maak 'n lys van leiers op die kontinent van Afrika ...
Plaas die leiers van hierdie land onder die vergrootglas
u sal geen groot leier of staatsman vind nie …
Inteendeel ...
Kyk u na die ekonomiese krisis, die elektrisiteitskrisis,
die misdaadkrisis en die Covid-krisis wat Suid-Afrika bedreig,
sal u waarskynlik met my saamstem:
daar is geen behoorlike leierskap nie.

In baie gevalle is die sondes van die vorige bedeling
net so deur die nuwe bedeling oorgeneem:
korrupsie …
baantjies vir boeties.

Maar ook op kerklike terrein soek u tevergeefs na sterk leiding.
Daar is 'n gesagskrisis in die kerk.
Daar is 'n probleem met die jeug.
Sinodes word bang om standpunt in te neem
Die grootste Afrikaanse kerk wil nie standpunt inneem nie.
Verskynsels soos dobbel, saamwoon word goedgepraat
Homoseksualiteit word goedgekeur.
Teologiese professore weerspreek die Bybelse leer openlik
en niemand kan of wil hulle vasvat nie.

Gebrek aan leiers.

Donker Afrika
sonder lig
sonder leiding
leierloos …

En tog, Broeders en Susters,
Tog, as ons Jesaja so lees dan sien ons
dat die Here wel aan ons 'n Leier gegee het …
'n Lig wat helder skyn … ook in donker Afrika …
Vir ons is 'n Seun gebore! sê ons teksgedeelte.

Enersyds sien ons
dat die Here elke stut, elke steunpilaar,
elke leier uit die samelewing verwyder …
totdat vroue en kinders die volk later regeer.
Andersyds gee Hy 'n Seun
'n Seun wat sal heers tot in ewigheid.

Die Here vervang menslike leierskap met goddelike leierskap.

Bron: Jesaja 3 & 9
Die Here vervang Menslike leierskap
Ds Gustav Opperman Gereformeerde Kerk Matlabas GK Matlabas
2020 08 02

Is u 'n gelowige in die buiteland of 'n gemeente buite bereik van suiwer Woordverkondiging? Of het u het 'n verlange om die Evangelie te ervaar? Dan is u op die regte plek. Welkom by die Gereformeerde Kerk Matlabas se internetbediening!
Skryf asb in op ons YouTube kanaal! Tik/Kliek op Woorde uit sy Woning
1) Reformasie 500 feesproduksie (Musiekdrama): Uit Diep van Donker Nagte kan bestel word vanaf [email protected]
Besoek gerus #uitdiepvandonkernagte op FB.
Please watch: "Die DVD Uit Diep van Donker Nagte Reformasie 500 Reformation 500" (Lokfilm)    • Uit Diep van Donker Nagte Reformation 500 ...  
2) Kry 'n gratis transkripsie van hierdie preek en ander preke weekliks: Skryf in op ons poslys by [email protected]
3) Van ons preke het Afrikaanse en Engelse onderskrifte en is dus meer toeganklik.
4) Beskikbaar:
Bybelstudie CD-reeks: Ps 1-50 (25 CD's)
Hierdie Bybelstudie en Kategismusreekse kan met vrug aangewend word deur 'n gelowige of groep gelowiges.
5) Epos u vrae oor hierdie preek of enige ander geloofsake.
Kontak ons: [email protected]
6) Besoek ons Faceboek-blaaie: WoordeuitsyWoning en Gereformeerde Kerk Matlabas en teken asb in!
7) Ons gemeente is 102 jaar oud.
Dit is ons roeping om in hierdie kanaal deur preke, Bybelstudies en Kategismusuitleg die Evangelie te versprei in Suid-Afrika, maar ook orals in die wêreld waar gelowiges ‘n behoefte het om die Woord te hoor.
Ons kanaal het in 2016 begin. Ons is gedurig besig om die kwaliteit van ons video’s te verbeter deur ons toerusting op te gradeer.
Indien u GK Matlabas Mediadienste finansiëel wil ondersteun, of ‘n ander bydrae wil maak tot Woorde uit sy Woning, kontak ons asb op [email protected] Ons sal dit waardeer.

Musiek gebruik in hierdie video:
Ons het toestemming om hierdie musiek te gebruik in ons video:
Ps 65 & Ps 144 Glorieryke Psalms
www.ico.org.za [email protected]
Tel: 0824914965/ 012 332 0336
Orrelis: Harry Jonkers