القلق - دليل تفصيلي لفهم اضطرابات القلق

Facebook:
  / aashmawii  

Istagram:
  / a.aashmawii  

فيه معلومة يمكن ناس كتير متعرفهاش ولكن القلق والتوتر والمخاوف والحِتة دي كلها، من أكتر الحاجات إللي بتتعالج بشكل كامل أو بتتحسّن تحسُّن كبير من خلال المساعدة المتخصصة، والتعليم النفسي الصحيح، والمتابعة، إللي الشخص بيحصل عليهم من خلال التعامل مع متخصص، وأنا مش بقول دا من دراسات وحاجات اتعلّمناها في الكتب وخلاص .. لا .. أنا بقول دا من خلال خبرة عملية مباشرة مع ناس كتير قابلتهم، واشتغلنا مع بعض على حاجة زي كدا.

القلق العام Generalized Anxiety في أبسط تعريفاته: أفكار ومشاعر غامضة ومتزايدة، وغير مريحة بالتوجس والخوف، تظهر بداخل الشخص فجأة في المواقف المختلفة، وتكون مزعجة جدًا، ويواجه معها الشخص صعوبات كبيرة في السيطرة عليها، يصاحبها أعراض مثل التململ والشد العضلي، وصعوبة أو ضعف في التركيز، وتقلُّبات مزاجية، واضطرابات في النوم.

وهو اسمه أو تصنيفه (عام Generalized) لأنه بيظهر في أغلب حياة الشخص، مش مرتبط بموضوع محدد وخلاص .. وبالتالي الشخص بيبقى عايش بحاجة زي كدا في غالبية أحداث حياته المختلفة.

القلق شيء مُرهق جدًا، وفعليًا لمّا بيبدأ يتحسِّن، الشخص فجأة بيكتشف إنه ممكن يستريح، إنه ممكن ياكل وينام كويس، إنه ممكن يمارس أنشطة مختلفة في الحياة، وممكن يكون في علاقاته، وشغله، وحياته مش مضغوط للدرجة دي .. بيكتشف إن فيه مشاعر تاني ممكن يحس بيها غير القلق والتوتر، ووجع البطن، والجَز على الأسنسان، وانقباض العضلات، والتغيير المستمر في المزاج .. وكل الحاجات دي.


القلق بيتعالج، بيتحسِّن .. والحياة مش الطبيعي بتاعها إني أمشي فيها وأنا متوجس وقلقان كدا طول الوقت، القلق بيتحسِّن من خلال إني بتعلّم صح بشكل أساسي، وحد بيكون معايا يعلّمني ويساعدني أجرب حاجات تانية، وأوصل لمشاعر تانية.

00:00 المقدمة وتعريف القلق
02:42 محتويات الفيديو
03:02 الفوبيا
03:57 القلق الاجتماعي
06:19 اضطراب الهلع
07:33 رهاب الأماكن المفتوحة
09:35 القلق المعمم
11:30 الامتناع عن العلاج
12:26 العلاج النفسي للقلق
17:53 العلاج الدوائي