Shije Shtëpie - Trigona të mbushura me krem nga Znj. Vjollca - Tv Klan

#ShijeShtëpie në #TvKlan. Emision edukues, informues & argëtues me znj. Vjollca dhe Katerina Trungu. Çdo ditë me recetat e thjeshta dhe mbi të gjitha ekonomike te znj. Vjollca duke edukuar amvisat si të ushqehemi shëndetshëm. Rubrika të ndryshme me të ftuar specialë me këshilla të thjeshta praktike, të kuptueshme nga të gjithë, për çdo aspekt të të përditshmes. Argëtim, me muzikë dhe quiz, lojëra gjithëpërfshirëse që të japin atë dëshirën për të luajtur dhe për të komunikuar live me Katerinën dhe të ftuarit e saj.

Për kremin:
700 ml qumësht
220 gr sheqer
3 vezë
90 gr miell semola
60 gr gjalpë
Vanilje
Lëkura e 1 limoni

Për shërbetin
500 gr sheqer
350 ml ujë
1 fetë limoni
1 lgj lëng limoni
2 lgj uzo (sipas dëshirës)

Për trigonat:
8-9 peta bakllavaje
150 gr gjalpë për lyerjen e petës
Fillimisht vendosim përbërësit e shërbetit në tenxhere, 500 gr sheqer dhe 350 ml ujë e një fetë limoni. Vendosim tenxheren në zjarr për të zier dhe nga momenti i vlimit e lëmë 6-7 minuta të valojëe më pas mund të shtojmë sipas dëshirës 2 lugë gjelle uzo dhe një lugë gjelle lëng limoni.
Kremi për mbushje:
Në një tenxhere ngrohim 700 ml qumësht. Shtojmë gjysmën e sheqerit dhe lëmë qumështin të ngrohet. Ndërkohë në një tas vendosim 3 vezë, gjysmën e qumështit të mbetur dhe 90 gr miell semola. I përziejmë mirë dhe këtë përzierje e shtojmë tek qumështi i ngrohtë. E përziejmë vazhdimisht deri sa të na formohet një brumë i lidhur dhe i trashë. Në fund pasi të kemi fikur zjarrim shtojmë 60 gr gjalpë, lëkurën e limonit dhe vaniljen.
Vendosim në tryezë një petë, e lyejmë të gjithë sipërfaqen me gjalpë dhe e palosim petën më dysh nga ana më e gjatë e petës. Ashtu të palosur e ndajmë atë në 4 pjesë. Në fillim të saj vendosim një lugë gjelle krem. Palosim pak anët e më pas e mbledhim role. E vendosim në tepsinë të lyer me gjalpë dhe kështu vazhdojmë deri sa tepsia të mbushet. Lyejmë me gjalpë komplet sipërfaqen e roleve dhe vendosim tepsinë në furrë të piqet në temperaturë 180 gradë për 30-35 minuta. Pasi e nxjerrim nga furra, e lëmë të bjerë pak temperatura dhe e shërbetosim me shërbet të ngrohtë. Pasi ftohet ëmbëlsira, e shërbejmë.

SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow rtvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/ #Receta#ZonjaVjollca#KaterinaTrungu