【 2025年12月12日 快必開往拔摩島的航程 - 第1923日】

//讀金英夏的「見」，快必想到餘生要過怎樣的生活？
Wi-Fi夠唔夠勁？附近有冇20個朋友？
如果生命只係剩低10年、5年、2年，要做啲乜嘢？
金英夏說：「寫作是上帝允諾人類的最後自由……」快必推薦佢嘅散文集！//

1)快必讀贏，繼續講金英夏的散文。金英夏嘅散文，真係唔錯，「言」係佢散文集三部曲的第二本，之前我讀了「見」，嚟緊會入埋另一本「讀」。依家先講吓「言」。呢一本「言」我可以當做靈修書睇。金英夏質疑手提電話嘅貢獻，未必有想像中多，並認為洗衣機和火車的發明，可能比手提電話更有貢獻。「因為洗衣機讓女性從繁重的家務勞動壓迫中解放，而火車跨越了地理的限制，開放大量運送物品的時代。」而我覺得冷氣的發明也很偉大啊！其實，每一樣嘢都有正反兩面的，不能完全漠視手提電話的功用，也不能忽視它引發的壞處，完全是看我哋如何善用它而已。

2)我記得佢上一本「見」提到自己唔喜歡旅行，就好似中世紀的貴族一樣，不太喜歡四處旅行。因為那時候旅行是一件危險的事，作者認為自己「更接近一邊移動一邊過的生活」。我也要在餘生過這樣的生活嗎？今日好多香港人唔係亦都過住咁樣嘅生活咩？其實當年好多走難落嚟香港嘅中國人，都係一邊移動一邊過日子，嚟到香港之後，佢哋又再去英美加澳，歴史還是一樣的。根據金英夏所言，最美好的生活，就是「在自己出生的地方，跟自己很了解的人們相親相愛地過着生活，最後在那裏結束一生的人，是最幸福的人。」

3)我10年前已經在思考，想過與很好的朋友，一起共居， 10人8人幾個家庭，夾埋一齊住，獨身冇建立婚姻生活的好好朋友，一起組成一個「家」的生活，是美好的呢！ 有點像嬉皮士的感覺？！又或者似大學住Hall。總之，大家彼此照顧，見證大家老去、逝去。我到而家都有呢一個願景⋯⋯不過，落船後，我真的可以繼續留在自己出生的地方——香港嗎？

4)反而有位導演朋友同我講：去邊度都冇所謂啦，只要居住嘅地方Wi-Fi夠勁，（唔使VPN都上到網，所以手提電話、iPad嗰啲都係有用嘅！）加埋「附近」有20位好朋友就OK 㗎啦！我想問大家，就算喺香港，你哋「附近」有冇20位朋友呢？其實都視乎所謂「附近」有幾「附近」；20個嘅「好」朋友有幾「好」？20個夠唔夠多？定10個都夠？大家寫信話俾我知，你附近有冇20個朋友呢？

5)我有好多朋友、中同和神同，都沒有下一代，我唔知各位是否有「我們這一代應該沒有下一代，就讓世界在我們這一代終結吧！」呢一種不傳統、有點變態的想法？我常常同中同講，我們注定是孤獨老人了，讓我們成立「孤獨老人俱樂部」吧！不過，有些有兒有女的老人家也會成為「孤獨老人」，這個俱樂部，或許應該擴大給所有「孤獨」的老人啊！

6)講返金英夏，佢成日諗：「如果只能夠在活多10年的話，我要做啲乜呢？」佢話唔會再去參加各種婚禮喪禮喜宴呢啲，佢只係想寫小說。「如果只能再活五年呢？」、「如果只能再活兩年呢？」佢嘅答案全都係寫小說。他真是一個幸福的人啊！我期待嘅只係年半後落船，做呢樣做嗰樣，如果原來我會死喺呢度，我如今做嘅，係令自己無憾嘅事嗎？我像一個哲學家在坐政治監嗎？

7)「唯有寫作能留給人類最後的自由與最終的權力，被奪走一切的人也只能寫作了。只要眼皮可以動，人類就可以寫作，體驗過最卑劣人性的人，也只能寫作，精神與肉體都被殘害的人，也只能寫作。」金英夏寫得真好啊！睇到我好有力量！仲有呢句：「只要能寫作，我們就活着，我們就還沒死，還沒有被完全擊敗。迫害者向來就很害怕會寫作的人，因為他們就說拒絕服從的人。」嘩，睇到好激勵，好有一種Empowerment，我覺得比他的小說更好睇呢！金英夏提醒我哋「寫作能將我們從自身的禁錮中解放，因為寫作時我們會改變，寫作會讓我們面對那些寫作前或不知道的事與逃避的事。寫作將我們忘卻或想忘記的過去，清晰地帶回到我們眼前。」金英夏將寫作造成一次哲學性論述，可以說，寫作就是抵抗吧！不分軟硬，可快好慢。

8)「語言是邏輯的產物，在怎麼複雜的心境，都要依照語言固有的邏輯，在這個過程中，我們變強了一些，內心的陰暗與茫然的恐懼就失細了，這就是寫作所擁有的自我解放之力，對抗我們內在的恐懼、偏見、軟弱如卑劣，力量就此產生。」當人覺得被恐嚇、俾人大、俾人拋時，我們會感到恐懼、會自我審查，因為一切也不清晰，人會覺得唔做好過做、唔講好過講了。說話也是一種寫作吧！「我們永遠都是現役作家，很多作家在臨終前一刻都在寫作，或是思考寫作，甚至計劃下一部作品。臨死前是人類最脆弱的時刻，能夠在這樣的時刻都在寫作或思考寫作，就是還沒完全潰敗的明確證據。」金英夏是這樣說的。

9)最後，金英夏說：「寫作是上帝允諾人類的最後自由，也是任誰都無法侵犯的最終權利。透過寫作我們能面對世界的暴力，培養內在的力量，也正是自身的內在。」我向大家推薦韓國作家金英夏的散文。

10）就嚟聖誕節，大家都好踴躍寫信記卡俾快必，呢個星期快必嘅郵箱真係好爆!!嗱，包括有：Letter Toronto寄俾快必同其他船員嘅聖誕咭(不過因為有閃粉，我哋試吓寄入去), 有Fan同加路俾快慢嘅信，西南聖誕咭同Postcard，水桶、祈盼者Postcard
Angela、敏MoMo俾快慢嘅聖誕咭，
璇璇、西姨姨、Angel Hui聖誕咭，兩送飯、泡菜媽媽、林生、向山舉目、Vivian嘅信，旋大媽嘅賀紙，冇署名嘅朋友寄來10月冷知識，黃鶯媽前後三封，仲有ILHK比快必同埋其他船員嘅聖誕咭。多謝晒咁多位記掛住快必！

~如果你仲未寫過信俾快必嘅話，唔好懶、唔好怕羞，嗱嗱臨拎起紙同筆，寫封信寄張卡俾快必同佢Merry Christmas啦，寄埋俾慢必都好㗎 ！如果你好耐冇寫過信俾佢嘅話，就請快啲加入返筆友嘅行列，因為收到你哋嘅信，對佢嚟講係好大嘅支持同鼓勵，佢仲有16個月左右要捱呀！

~提醒一下，寫信、寄卡，記住唔可以有閃粉、唔可以有貼紙，唔可以用訂書釘，亦都唔可以係3D凸出嚟嗰種喎，但係燙金燙銀嗰一啲就OK嘅！

來信請寄去：
香港七姊妹郵政局
郵政信箱60141號
（PO Box 60141
Tsat Tsz Mui Post Office, HK）

*最後為向山舉目加油，小編都曾經經歷過，賺咗10年啦！Fighting，你一定得㗎！